«Yuventus» klubi vitse-prezidenti Pavel Nedved turinliklar hujumchisi Gonsalo Iguainni dunyoning eng kuchli hujumchilaridan biri deb atadi. Eslatib o'tamiz, Iguain so'nggi uch turda gol ura olmayapti va sport formasi yaxshi emasligi haqida gap-so'zlar paydo bo'lgan.
- Biz to'g'ri yo'ldan ketmoqdamiz, deb o'ylayman. Iguain? Ko'p futbolchilar qiyinchiliklarga duch kelishadi, ammo Iguain aynan bizning jamoada ekanidan biz xursandmiz. U dunyoning eng kuchli hujumchilaridan biri, - deydi Nedved.
Eslatib o'tamiz, «Yuventus» argentinalik hujumchini yozda «Napoli»dan 90 million evroga sotib olgan edi. Iguain turinliklar safida 12 rasmiy uchrashuvda 7 ta gol urishga muvaffaq bo'ldi.
— deya xabar beradi uff.uz nashri.