Angliya Liga kubogining 1/8 finalidan o'rin olgan "Liverpul" – "Tottenxem" uchrashuvi o'z nihoyasiga etdi. Unda 2:1 hisobi qayd etilib, mersisaydliklarning g'alabasi bilan yakunlandi. Dastlab, birinchi bo'limning 9-daqiqasidayoq Daniel Starrij hisobni ochishga muvaffaq bo'ldi. Ikkinchi bo'limning 64-daqiqasiga kelib, yana angliyalik hujumchining o'zi darvozabon bilan yakkama-yakka chiqib, o'z imkoniyatini qo'ldan boy bermadi – 2:0. “Tottenxem” bunga Yanssenning 76-daqiqada penaltidan kiritgan goli bilan javob qaytardi. Shunday bo'lsada, “Liverpul“ final hushtagiga qadar g'alabani saqlab qoldi. Shu tariqa, “Liverpul” “Enfild”da Starrijning dubli evaziga “Tottenxem”ni taslim etdi va keyingi bosqichga yo'l oldi. Angliya Liga kubogi
1/8 final Liverpul – Tottenxem 2:1 (1:0, 1:1)
Gollar: 1:0 – 9 Starrij, 2:0 – 64 Starrij, 2:1 – 76, penalti Yanssen.
Liverpul – Minole, Leyva, Klavan, Moreno, Styuart, Aleksander-Arnold (Klayn, 68), Gruyich (Djan, 89), Veynaldum, Edjaria, Origi (Ingz, 68), Starridj.
Tottenxem – Vorm, Devis, Vimmer, Tripper, Karter-Vikers, Uinks, Dayer (Vanyama, 67), Nkudu (Xarrison, 83), Kerroll (Lamela, 61), Onoma, Yanssen.
Ogohlantirishlar: Aleksander-Arnold (26), Ingz (82), Gruyich (84), Uinks (90), Vimmer (90).
— deya xabar beradi uff.uz nashri.