Bundesliganing QuloG'i oG'ir futbolchisi haQida hikoya. Har yilning 25 sentyabri er yuzida oddiy odamlar kabi hayot kechirayotgan, faqatgina qulog'i sal og'irroq kishilar uchun bayramga aylanadi. Zero ular uchun xuddi shu kun - Xalqaro birdamlik kunidir. Shu munosabat bilan Championat.com portali xodimlari Germaniya bundesligasida sog'lom futbolchilar bilan tengma-teng kurasha olgan kuchli iroda sohibi - Shtefan Markolf haqida hikoya qilishni lozim topishdi. 2007 yilning yozi. Yurgen Klopp «Maynts»ni o'rmonga sayohatga olib borishi kerak edi. Ammo shundan bir oycha muqaddam klub bundesligadan tushib ketdi va yozgi ta'tilga mo'ljallangan rejalar chippakka chiqdi. Jamoa buning o'rniga Quyi Saksoniyaga safar uyushtirib, «Ayn­traxt» bilan o'rtoqlik o'yini o'tkazdi. Ikki ming tomoshabinni qabul qila oladigan stadion bo'm-bo'sh, maydondagi futbolchilarning ishtiyoqi ham unchalik baland emas. Ikkinchi bo'limdagi vaziyatlarning birida futbolchilar havodagi to'p uchun kurashib, to'qnashib ketishdi. «Maynts» shifokorlari boshidan jarohat olgan va to'qnashuvdan so'ng biroz gangib qolgan Shtefan Markolfga yordam ko'rasata boshlashdi. Shu payt «nol beshinchilar»ning sardori Milorad Pekovich hodisa joyiga yaqinlashib, jamoadoshining qulog'iga nazar soldi-da, undan juda bir muhim narsa tushib qolganini payqab, sherigining atrofida xuddi telbadek aylana boshladi. Markolf o'rnidan bir amallab turgan paytda Pekovich maydondagi chimni sinchiklab tekshirib, qidirgan narsani topdi. Bu - kichkinagina, quloqqa tiqib olinadigan maxsus eshitish apparati edi! Milorad jihozni himoyachiga qaytarar ekan, Shtefan sardorda mamnuniyat bilan nigoh tashlab, quyidagi so'zlarni aytdi: «Agar sen bo'lmaganingda, men shu erda 1500 evrodan ayrilardim!» Bu voqeadan bir necha kun avval, Xorvatiyaning «Xayduk» klubiga qarshi o'tgan yana bir o'rtoqlik o'yinida Markolf «Maynts»ning hujumiga qo'shildi-da, uzoqdan oshirilgan to'pni qabul qilib olib, raqib darvozasi sari chopdi. Biroq u tezda hayron bo'lganicha, joyida to'xtab qoldi: raqib himoyachilari futbolchini ta'qib qilmay qo'ygandi. Negaki, Markolf o'yindan tashqari holatga tushib qolgan, ammo hakamning hushtagini eshitmay, harakatni davom ettiravergandi. Vaholanki, o'shanda ham mitti qurilma uning qulog'ida edi. Davomi Interfutbol.uz saytida.
— deya xabar beradi uff.uz nashri.