«Milan» bosh murabbiyi Vinchentso Montella safarda «Jenoa»ga uchralgan mag'lubiyat (0:3)dan so'ng o'tkazilgan matbuot anjumanida o'z fikrlarini bayon etdi. «Kutganimizdek qiyin o'yinni o'tkazdik. Birinchi bo'limda juda ham sekin harakat qildik, «Jenoa»ning darvozamiz tomon hujum uyushtirganini eslay olmayman. Natija biz yomon o'ynaganimizdan darak bermaydi. Ikkinchi bo'limda yaxshiroq o'yin ko'rsatdik, biroq kamchilik bo'lib qolganimiz bizga to'sqinlik qildi. 10 kishi bo'lib ham hujumlar uyushtirdik. Bu kabi mag'lubiyatlar bo'lishi tabiiy holat. Mag'lubiyatdan keyin albatta g'alaba ham keladi. Klubdagilar mavsum jarayonidan qoniqish hosil qilishgan».
— deya xabar beradi uff.uz nashri.