Avstriyada tennis bo'yicha o'smirlar va qizlar o'rtasida o'tkazilayotgan Xalqaro tennis federatsiyasi musobaqalari taqvimidan joy olgan turnirda hamyurtimiz Sevil Yo'ldosheva g'oliblik uchun kuch sinashmoqda.
Iste'dodli tennischimiz birinchi davrada xorvatiyalik Katarina Yelisichga qarshi kortga chiqdi. Uchrashuvda raqibidan har tomonlama ustunligini namoyish etgan o'zbek tennischisi bellashuvni 6:2, 6:1 hisobida o'z foydasiga hal qildi.
Sevil Yo'ldosheva juftlik bellashuvlarida aynan o'zi mag'lub etgan Katarina Yelisich bilan birga o'ynamoqda. Bu duet dastlabki bahsda shveytsariyalik Mari Mettro va avstriyalik Yana Vays ustidan 5:7, 6:2, 10:4 hisobida zafar quchib, ikkinchi bosqichga yo'llanma oldi.
Manba: SPORTS.uz
— deya xabar beradi uff.uz nashri.