“Guanchjou Evergrand” klubi hujumchisi Jekson Martines “Napoli” jamoasi rahbariyatining qiziqishlari doirasiga kirgan. Football Italia nashrining ma'lumotiga ko'ra, italyan klubi 30 yoshli kolumbiyalik futbolchini yanvarda jiddiy jarohat orttirib olgan Arkadiush Milikka davomchi sifatida sotib olishi mumkin. Kelishuv rasmiylashtirilishi uchun Martines maoshi jiddiy ravishda qisqarishiga rozi bo'lmog'i zarur. Xitoyda u yiliga 12 million evro maosh oladi. Eslatib o'tamiz, o'tgan qishda “Guanchjou Evergrand” futbolchi uchun “Atletiko”ga 42 million evro to'lagandi. Yangi klubi uchun Martines 9ta o'yinda 4ta gol kiritgan.
— deya xabar beradi uff.uz nashri.