Yaxshi bilasiz, shu yilning 15 noyabr kuni O'zbekiston milliy terma jamoasi Seul shahrida Janubiy Koreya termasiga qarshi JCh-2018 saralashida maydonga tushadi. Shu bilan bu yilga belgilangan o'yinlar yakunlanadi.
Kelasi yilning mart oyidan boshlab ikkinchi davra uchrashuvlari davom ettiriladi. Unda O'zbekiston termasi 23 mart kuni Suriyaga qarshi safarda o'yin o'tkazadi.
Yaqinda Xitoy milliy terma jamoasiga Marchelo Lippi bosh murabbiy etib tayinlandi. Olingan ma'lumotlarimizga qaraganda Lippi bizning guruhda ishtirok etadigan barcha terma jamoalarni o'yinini bevosita stadiondan kuzatishga topshiriq bergan. Lippi Seuljagi o'yinda maydon egalari bilan birga O'zbekistonni ham o'rganishni topshirgan. Xitoy termasi o'zida bo'lib o'tadigan barcha o'yinlarda g'alaba qozonish kerakligini aytib o'tgan va hali ham pley-offga chiqish imkoni borligini yashirmagan.
Ko'rib turganingizdek, guruhimizdagi raqiblar jim o'tirishmayapti.
Umid qilamiz, Samvel Babayan shogirdlari Janubiy Koreyaga qarshi ijobiy natija qayd etishadi.
— deya xabar beradi uff.uz nashri.