Londonning "Chelsi" klubi yarim himoyachisi Eden Azar faoliyatini Frantsiyada davom ettirishi mumkin. Bu haqida ESPN telekanali xabar tarqatdi. Ma'lumotga ko'ra, belgiyalik futbolchining xizmatlariga Parijning "PSJ" klubi rahbariyati jiddiy tarzda qiziqish bildirmoqda. Frantsuz klubi egalari futbolchining xaridiga 104 million evro sarflashga tayyorlar. Agar trnasfer amalga oshsa, Azar klubi tarixidagi eng qimmat xaridga aylanadi va “PSJ”da haftasiga 270 ming evro maosh ishlab topish imkoniga ega bo'ladi. Eslatib o'tamiz, avvalroq, Azar ”Chelsi”dagi mavqei pasaygani hamda so'nggi paytda Joze Mourino unga asosiy tarkibdan joy bermayotgani tufayli Londonni tark etish niyatida ekanligi haqida ma'lumot tarqalgandi.
— deya xabar beradi uff.uz nashri.