Madridning «Real» klubi bosh murabbiyi Zinedin Zidan Ispaniya Kubogi doirasida «Kultural Leonesa»ga qarshi kechgan uchrashuvdagi 7:1 hisobidagi g'alaba haqida gapirarkan, maydonga tushgan tarkibga alohida urg'u berdi.
- «Real»da doimiy o'yin amaliyotiga ega bo'lish juda qiyin ekanini barcha futbolchilar yaxshi biladilar. Ba'zilar boshqalarga qaraganda ko'proq o'ynaydi. Ammo barcha futbolchilar istalgan vaqtda maydonga tushishga shay bo'lib turishi juda yaxshi holat.
Bugun biz shu holatning guvohiga aylandik. Biz har uch kunda maydonga tushmoqdamiz va kerakli saviyada bo'lishimiz lozim. Jamoamiz har bir o'yinda raqobatbardosh bo'lishiga men mas'ulman, - deydi Zidan.
— deya xabar beradi uff.uz nashri.