Madridning "Real" klubi bosh murabbiyi Zinedin Zidan jamoa himoyachisi Nachoning "Kultural" darvozasiga kiritgan golidan hayratda qolganini bildirdi. Eslatib o'tamiz, "Real" Ispaniya Kubogi doirasida safarda "Kultural Leonesa"ga qarshi maydonga tushgan va 7:1 hisobida g'alabaga erishgan edi.
"Nacho juda chiroyli gol kiritdi va u futbol tarixida qoladi. Uning o'yinidan mamnunman.
"Bayer"ga men kiritgan gol? Nachoning goli chiroyliroq chiqdi, shunday emasmi? U bu golga munosib edi, chunki har doim mashg'ulotlarda jiddiy ishtirok etadi", - deydi murabbiy.
— deya xabar beradi uff.uz nashri.