Ispaniya terma jamoasi sobiq bosh murabbiyi Visente Del Boske Evropa chempionatidagi omadsizlikdan so'ng iste'foga chiqqanidan afsusda emasligini bildirdi.
"Men hech kimdan xafa emasman. Biz o'zimiz istagan ishni oxiriga qadar olib bordik. Milliy terma jamoa uchun eng kerakli qarorlarni qabul qildik, deb hisoblayman.
Lopetegi Ispaniya terma jamoasi boshqaruviga tayinlanishi oldidan men bilan maslahatlashganlari yo'q. To'g'risi, o'zim ham bu masalaga aralashgim kelmadi. Murabbiy talabchan bo'lishi lozim, ammo haddan ortiq qattiqqo'l emas", - deydi Del Boske.
Eslatib o'tamiz, Visente Del Boske Ispaniya terma jamoasi boshqaruvida 2010 yilgi jahon chempionati va 2012 yilgi Evropa chempionatida g'olib chiqqan.
— deya xabar beradi uff.uz nashri.