"Barselona" klubi sobiq prezidenti Joan Gaspar Ispaniya professional futbol ligasi rahbari Xaver Tebasga qarshi keskin fikr bildirdi va mutasaddi kataloniyaliklardan uzr so'rashini talab qildi.
Eslatib o'tamiz, Xaver Tebas "Valensiya" va "Barselona" klublari o'rtasida kechgan uchrashuvdan so'ng (2:3) kataloniyalik futbolchilarni tanqid qilgan edi. Uchrashuvning so'nggi daqiqalarida belgilangan penaltidan Messi gol kiritgach, "Barselona" futbolchilari golni nishonlash vaqtida muxlislardan biri suv idishi uloqtirgan va Luis Suares va Neymar maydonga yiqilgan edi. Messi esa "Valensiya" muxlislari tomon baqirib, ularni haqoratlay boshlagan.
Xaver Tebas ushbu vaziyatda "Barselona" futbolchilari simulyatsiya qilishganini aytgan va ularni ayblagan edi.
"Men "Barselona" vakili va muxlisi sifatida Tebas kechirim so'rashiga umid qilaman. Agar u bu ishni qilsa, uning so'zlarini unutsa bo'ladi, deb o'ylayman.
Agar kechirim so'ramasa, uni kechirmaslik lozim. Bunday lavozimdagi shaxs o'zini bu tarzda tutmasligi lozim", - deydi Gaspar.
— deya xabar beradi uff.uz nashri.