“Manchester Yunayted” jamoasi bosh murabbiyi Joze Mourino “Manchester Siti”ga qarshi (1:0) o'yindan so'ng klub himoyachisi Markos Roxo haqida iliq fikrlar bildirdi.   “Odatda Bayi va Smolling bilan o'ynardik, ammo jarohati tufayli ikkisi ham safdan chiqdi. Shu sababli ikki nafar chap oyoqli himoyachilarni markazga qo'yishga majbur bo'ldim. Roxo anchadan buyon o'ynamagan bo'lsa-da, yaxshi harakat qildi. Ikkinchi bo'limda Errera, Pogba va Kerrikning yordami bilan tempni tushirdik. To'pni nazorat qila boshladik va xavfli vaziyatlar yaratdik. Jamoa asta-sekin o'ziga bo'lgan ishonchni oshirmoqda”, – dedi Mourino. 
— deya xabar beradi uff.uz nashri.