“Arsenal” jamoasi hujumchisi Lukas Peres jarohati tufayli olti haftaga safdan chiqdi. Bu haqda Goal nashri ma'lum qilmoqda. 28 yoshli ispaniyalik futbolchi “Reding”ga qarshi (2:0) Angliya Liga Kubogi nimchorak finalida jarohat olgandi. U asosiy tarkibda maydonga tushib, 72-daqiqada zaxiraga olingan edi. “To'pchilar” bosh murabbiyi Arsen Venger bo'lajak o'yinlarda hujumchining xizmatlaridan foydalana olmaydi. Joriy mavsumda Lukas Peres London klubi safida 6 uchrashuv o'tkazib, 2 ta gol kiritishga muvaffaq bo'ldi. 
— deya xabar beradi uff.uz nashri.