«Barselona» yarim himoyachisi Arda Turon jarohat oldi.
Futbolchi Kataloniya Superkubogi doirasida «Espanol»ga qarshi kechgan bahsda (0:1) o'ng oyog'i tovonidan jarohat olgan. Turon Martin Demichelisdan podkat uslubida to'pni olib qo'ymoqchi bo'lganda jarohat olgan, ammo birinchi bo'limni oxiriga qadar o'ynagan.
Biroq ikkinchi bo'limda uni zaxiraga olishdi. Turkiya terma jamoasi yarim himoyachisi «Barselona»ning bugungi mashg'ulotiga ishtirok etmadi va «Granada»ga qarshi maydonga tusha olmasligi kutilmoqda.
— deya xabar beradi uff.uz nashri.