Kecha Rossiya chempionati tarixidagi eng sermahsul o'zbekistonlik to'purarlar haqida ma'lumot berib o'tgan edik. Bugun esa eng ko'p o'yin o'tkazgan hamyurtlarimiz haqida to'xtalib o'tamiz.
10. Aleksey Polyakov. 107 uchrashuv
O'ynagan klublari: Lokomotiv M (28), Krilya Sovetov (64), Luch-Energiya (6), Tom (9).
Polyakov Rossiya chempionatida 14 mavsum davomida 107 o'yin o'tkazgan. U ana shu o'yinlarning 105 tasida asosiy tarkibda maydonga tushib, 104 tasida to'liq 90 daqiqa maydonda harakat qilgan. Aleksey shuningdek 184 uchrashuvda zaxira o'rindig'ida qolib ketgan. Darvozabon 4 marta hakamlar tomonidan ogohlantirilib, 1 bora maydondan chetlatilgan.
9. Andrey Fyodorov. 110 o'yin - 4 gol
O'ynagan jamoalari: Alaniya (42–1), Rubin (68–3).
Fyodorov Rossiya chempionatida 8 mavsumda 110 uchrashuvda maydonga tushib, 4 ta gol urgan. Andrey 95 uchrashuvda asosiy tarkibda maydonga tushib, shularning 80 tasida to'liq harakat qilgan. 40 o'yinda zaxira o'rindig'ida qolib ketgan Andrey 23 marta sariq va 4 bora qizil kartochka bilan jazolangan. U "Rubin" libosida ikki marta mamlakat chempioni bo'lgan.
8. Andrey Akopyants. 117 o'yin - 5 gol
O'ynagan jamoasi: Rostselmash – Rostov (117–5).
Akopyants 2000-2005 yillar davomida "Rostov" jamoasida 117 o'yinda 5 ta gol kiritgan. Andrey 95 uchrashuvda asosiy tarkibda maydonga tushgan va 52 ta bellashuvda to'liq o'ynagan. Murabbiylar yarim himoyachini 27 bahsda zaxirada qoldirishgan. Futbolchi hisobida 5 ta sariq kartochka ham mavjud.
7. Nikolay Shirshov. 120 o'yin - 1 gol
O'ynagan jamoasi: Rostselmash – Rostov (120–1).
Shirshov Akopyants bilan bir davrda "Rostov"da to'p surdi. U chempionatda 120 o'yin o'tkazib, 1 ta gol urgan. Nikolay 107 uchrashuvda asosiy tarkibda maydonga chiqib, 91 tasida o'yinni oxirigacha harakat qilgan. 25 bellashuvda u zaxirada qolib ketgan. Nikolay 24 marta ogohlantirilib, 1 marta chetlatilgan. Davomi quyidagi havolada.
— deya xabar beradi uff.uz nashri.