Oliy Liga 27-turidan o'rin olgan “Bunyodkor” – “Metallurg” (1:0) uchrashuvidan keyingi matbuot anjumanining ikkinchi qismida “qaldirg'ochlar” ustozi Sergey Lushchan ishtirok etdi. – Bahs biz uchun qiyin o'tdi. Har ikkinchi kundan uchinchisiga o'tayotganida o'yin o'tkazish oson emas. Ayniqsa, bitta tarkib bilan. Bugun g'alaba qozondik va natijadan xursandman. G'alaba uchun yigitlarga rahmat aytaman. Mavsum oxirladi... jamoa charchab qolgan, ko'pchilik jarohatlangan. Mana bugun ham deyarli yarim tarkib ukol bilan o'ynadi. Gadoevning tarkibga kira olmayotganining alohida sabablari yo'q. Shunchaki bugun taktikadan kelib chiqib, Shohrux zaxiraja qoldi. Gadoev hujumda juda yaxshi, faol o'ynaydi. Ammo to'p uchun kurashlarda, himoyaga qaytib o'ynashda unday emas. Shu bois uning xizmatidan bugun foydalanmadim. Yoshlar jamoamiz kecha muddatidan avval chempionlikni rasmiylashtirishdi. Keyingi uchrashuvimizga albatta yoshlar jamoasidan futbolchilar tanlab olib, asosiy jamoada o'ynatamiz. Ertaga "Lokomotiv" - "Nasaf" o'yini? Menga qolsa bu to'qnashuvda jamoalar jangovor durang qayd etishgani ma'qul, – deydi Sergey Lushchan.
— deya xabar beradi uff.uz nashri.