Osiyo futbol konfederatsiyasi tomonidan rasman ma'lum qilinishicha, Bahreynda o'tayotgan yoshlar o'rtasidagi Osiyo chempionatini Evropaning bir qator klublari skautlari kuzatib bormoqdalar.
Qit'a birinchiligi «Liverpul», Menxengladbaxning «Borussiya», «Gronningen» va «Gent» klublari skautlari kuzatuvi ostida o'tyapti. «Borussiya» skauti Mario Vossen tomonidan ta'kidlanishicha, ushbu musobaqada bir qator iqtidorli yoshlar kuzatuv ostida bo'lgan.
Eslatib o'tamiz, Osiyo chempionati finaliga Yaponiya va Saudiya Arabistoni terma jamoalari chiqqan va ertaga ular o'rtasida g'oliblik uchun kurash bo'lib o'tadi. O'zbekiston yoshlar terma jamoasi esa chorak finalda Erondan 0:2 hisobida mag'lubiyatga uchragan edi.
— deya xabar beradi uff.uz nashri.