Oliy Liga 27-tur markaziy o'yinida “Lokomotiv” 3:2 hisobida “Nasaf”ni engdi. Uchrashuv yakuniga etkach har ikkala jamoa murabbiylari ishtirokida matbuot anjumani o'tkazildi. Unda qarshiliklar bosh murabbiyi Ro'ziqul Sa'dullaevich ishtirok etdi va uchrashuv haqida quyidagi fikrlarini bildirib o'tdi. – O'zlaringiz guvoh bo'ldilaringiz uchrashuv keskin va teng kurashlar ostida kechdi. Bugungi o'yinda kamida durangga loyiq edik. Uchrashuv so'nggida yana gol urish uchun bir necha vaziyatlar ham yarata oldik. Afsuski bu vaziyatlardan foyddalana olmadik. Raqib bila teng kurash olib borib, mag'lubiyatga uchradik. Hech bir murabbiy o'yindan oldin  jamoasini g'alaba qozonishini ayta olmaydi.  Bugun futbolchilarimiz juda yaxshi o'yin namoyish etishdi. Kamida durangga loyiq edik. Hattoki g'alaba ham qozonishimiz mumkin edi. Biz o'yinchilarimizni ana shu maqsadda bugungi o'yinga ruhan ham tayyorlagan edik. Muhammadievning bugun maydonga tushmagani, u o'tgan “Navbahor”ga qarshi uchrashuvda engil jarohat olgan edi. Shu tufayli u keyingi mashg'ulotlarimizda ham ishtirok eta olmadi. Jarohatidan forig' bo'lgan bo'lsada, shifokorlarimizning tavsiyasiga muvofiq uni bugun maydonga tushirmadik. Farruh Sayfiev bizda universal o'yinchi hisoblanadi. U har ikkala qanotda ham yaxshi o'ynay oladi. Uni chap tomonga, ya'ni Rahmatovni o'rniga almashtirganimizga sabab, Bikmaev Rahmatovni ancha shoshirib qo'ydi. Shuning uchun keyin Rahmatovni o'rniga boshqa o'yinchini ham tushirdik, – dedi Berdiev. 
— deya xabar beradi uff.uz nashri.