“Barselona” klubi bosh murabbiyi Luis Enrike “Granada”ga (1:0) qarshi kechgan Ispaniya chempionatining 10-tur uchrashuvidan so'ng o'z fikrlarini bildirdi. “Biz doim ko'plab gollar bilan g'alaba qozona olmaymiz. Bu bizning eng yaxshi o'yinimiz bo'lmagan bo'lsa ham yigitlarim oxirigacha kurashdi. “Granada” hujumda vaziyatlari kam bo'lishini bilib, e'tiborini himoyaga qaratdi. Ular deyarli butun jamoa bo'lib himoyalandilar va yaxshi o'ynadilar. “Manchester Siti”ga qarshi bahs umuman boshqacha bo'ladi. Himoyamiz bosim ostida bo'ladi va pressing qo'llashimiz zarur bo'ladi. Muxlislar butun uchrashuv davomida qo'shiqlar kuylab, qo'llab-quvvatlaganliklaridan juda xursandman. Nihoyat “Kamp Nou” haqiqiy stadionga o'xshadi”, — deydi Luis Enrike.
— deya xabar beradi uff.uz nashri.