“Real” klubi rahbariyati hujumchi Garet Beyl bilan shartnoma uzaytirilgani haqida e'lon qildi. Madridliklar uelslik futbolchi bilan 2022 yilning 30 iyuniga qadar mo'ljallangan shartnoma imzolash borasida kelishib oldilar. Xabar qilinishicha, dushanba kuni bu borada mahsus matbuot anjumani o'tkaziladi. 27 yoshli Beylning “Qirollik klubi” bilan avvalgi bitimi 2019 yilning yozida o'z nihoyasiga etardi. Beyl 2013 yili “Tottenxem“dan “Real”ga ko'chib o'tgandi.
— deya xabar beradi uff.uz nashri.