Myunxenning “Bavariya” klubi bosh murabbiyi Karlo Anchelotti PSVga qarshi bo'ladigan EChL 4-tur uchrashuvida Xavi Martines va Frank Riberini tarkibga kiritmadi.
Martines Germaniya chempionati doirasida “Augsburg”ga qarshi kechgan bahsning birinchi bo'limida jarohati sababli almashtirilgan edi. Klub rasmiy saytining tarqatgan xabariga ko'ra, Martines seshanba kuni bo'ladigan bahsda jamoasiga yordam bera olmaydi.
Riberi ham jarohati sababli 14 oktyabrdan beri maydonga tusha olmay kelayotir. Biroq futbolchi ertaga bo'ladigan mashg'ulotlarda ishtirok etishi mumkin. Sport1 nashri tarqatgan xabarga ko'ra, u mazkur o'yinni tomoshabinlar qatorida kuzatib boradi.
Myunxenliklar uchun xushxabarlardan biri Rafinyaning to'liq maydonga qaytganligi bo'ldi. U jamoaning navbatdagi mashg'ulotlarida ishtirok eta boshladi.
— deya xabar beradi uff.uz nashri.