31 oktyabr kuni O'zbekiston Milliy olimpiya qo'mitasi qoshidagi Respublika sport tibbiyoti ilmiy-amaliy markazida Myunxendagi “Shen klinika” deb nom olgan jahonga mashhur shifoxonalardan birining etakchi orpoped mutaxassisi Krisitan Shnayder mehmon bo'ldi.
Germaniyalik mehmonni Milliy olimpiya qo'mitasi bosh kotibi Oybek Kasimov va Respublika sport tibbiyoti ilmiy-amaliy markazi direktori Ma'ruf Karimovlar kutib olishdi. O'z navbatida Shnayder olimpiya qo'mitasi binosi bilan yaqindan tanishdi.
Eng so'nggi, zamonaviy meditsina uskunalari bilan jixozlangan sport tibbiyoti ilmiy-amaliy markazini ko'zdan kechirdi va bu erda yaratilgan sharoitlarga yuqori baho berdi.
Ma'lumki sport tibbiyotida, xususan musobaqalar va mashg'ulotlar payti orttirib olingan jarohatlarni davolashda germaniyadagi klinikalar va nemis mutaxassislari jahonda etakchilardan hisoblanishadi. Ana shunday etuk ortoped shifokorlardan sanalgan Kristian Shnayder Markaziy Osiyoda yagona hisoblangan poytaxtimizdagi Respublika sport tibbiyoti ilmiy-amaliy markazida seminar o'tkazdi.
“Sport tibbiyoti, tashkiliy aspektlar” mavzusida o'tkazilgan mazkur seminarda Toshkent tibbiyot akademiyasining sport tibbiyoti kafedrasi xodimlari, jumladan kafedra magistrantlari, klinik ordinatorlar, amaliyot o'tayotgan shifokorlar va ilmiy-amaliy markazi vakillari ishtirok etishdi.
Seminar ishtirokchilari xorijlik etakchi mutaxassisdan o'zlarini qiziqtirgan ko'plab savollarga javob olishdi.
O'zbekiston Milliy olimpiya qo'mitasi matbuot xizmati
— deya xabar beradi uff.uz nashri.