Madridning "Real" klubi sobiq bosh murabbiyi Vanderley Lushemburgo madridliklar boshqaruvida bo'lgan vaqtda Zinedin Zidan bilan bo'lib o'tgan hodisani yodga oldi. Murabbiy 2005 yilda "Yuventus"ga qarshi kechgan EChL doirasidagi bahsda Ronaldo va Zidanni almashtirgan va mag'lubiyatga uchragan edi.
"Men "Yuventus" dastlabki daqiqalardan bizga bosim o'tkazishiin kutgan edim, ammo ular birinchi bo'limda bu ishni qilishmadi. Ronaldo va Zidanda esa jismoniy tayyorgarlik bo'yicha muamolar bor edi.
Ikkinchi bo'limda ham "Yuventus" xuddi shunday o'ynashda davom etdi, Ronaldo va Zidanning o'yini esa pasayib boraverdi. Oqibatda men Zidanni maydondan olib, o'rniga Gutini tushirdim. "Yuventus"ning o'yiniga bu darhol ta'sir o'tkazdi va ular ikkita gol urdilar.
O'yindan so'ng Zidanga qo'ng'iroq qilib, mantiqiy jihatdan to'g'ri yo'l tutganimni aytdim. Bunga javoban Zidan: "Senor, siz hamon Evropada ishlamayapsiz. Aks-holda meni va Ronaldoni zaxiraga olmagan bo'lardingiz, chunki raqiblar bizdan qo'rqadilar. Biz maydondan chiqib ketgach ulardagi mana shu qo'rquv yo'qoldi va g'alaba qozonishdi", - degandi", - deydi Lushemburgo.
Eslatib o'tamiz, "Real" dastlabki bahsda "Yuventus"ni 1:0 hisobida mag'lubiyatga uchratgach, javob bahsida esa 0:2 hisobida mag'lub bo'lgan edi.
— deya xabar beradi uff.uz nashri.