"Arsenal" hujumchisi Olive Jiru asosiy tarkibga qaytish umidini bildirdi. Eslatib o'tamiz, frantsiyalik hujumchi mavsum boshidan buyon biror marta asosiy tarkibda maydonga tushmadi.
"Men shunchaki o'z ishimga e'tibor qaratmoqdaman. Mening vaqtim hali keladi. Albatta maydonda bo'lishni istayman, ammo Evropa chempionatidan so'ng jamoaga ancha kech qaytdim va etarlicha yaxshi formaga kirishga ulgurmadim. Keyin esa afsuski jarohat oldim va endi yanada ko'proq ishlashimga to'g'ri kelmoqda.
Umid qilamanki asosiy tarkibga qaytaman va buning uchun mashg'ulotlarda astoydil ishlamoqdaman. Ishoning, men o'zimdan ko'ra jamoa manfaatlarini ko'proq o'ylamoqdaman", - deydi Jiru.
— deya xabar beradi uff.uz nashri.