Bugun tunda Evropa Chempionlar ligasi 4-tur o'yinlari boshlanadi. 
Ushbu turda o'zaro raqib bo'ladigan jamoalar oldin o'zaro necha marta to'qnash kelishganini bilasizmi? 
Quyida bu savolga javob topishingiz mumkin. 
 
"A" guruhi 
"Bazel" va "PSJ" jamoalari shu kungacha faqatgina bir marta to'qnash kelishgan. Chempionlar ligasining ushbu mavsumdagi 3-turida Parijliklar yirik 3:0 hisobida zafar quchishgan. 
"Ludogorets" va "Arsenal" klublari ham bir marta o'zaro raqib bo'lishgan. Shu yilning 19 oktyabr sanasida o'tkazilgan bellashuvda "kanonirlar" yirik 6:0 hisobida zafar quchishgan. "B" guruhi
"Beshiktosh" - "Napoli". Ushbu jamoalar ham bir marta uchrashishgan. 19 oktyabr kuni Nepaolda kechgan bellashuvda turk klubi 3:2 hisobida zafar quchgan.
"Benfika" - "Dinamo" Kiev. Mazkur jamoalar hozirgacha 3 bora raqib bo'lishgan. 1991 yili UEFA kubogi guruh bosqichida Kievliklar 1:0 hisobida g'alaba qozongan. 1992 yili yana UEFA kubogi guruhida ushbu ikki jamoa to'qnash kelishdi va unda portugal jamoasi yirik 5:0 hisobida g'alaba qozondi. Bu yilgi ChLda guruhdagi ilk o'yinda Lissabonliklar safardan 2:0 hisobidagi g'alaba bilan qaytishgan.
"C" guruhi
"Manchester Siti" - "Barselona". Ikki jamoaning o'zaro o'yinlardagi barhca 5 bahsida ham kataloniyaliklarning qo'li baland kelgan. "Barselona" "shaharliklar"ni 2014 yili ChLning 1/8 finalida 2:0 va 2:1, 2015 yili ChLning 1/8 finalida 2:1 va 1:0 hisobida 2016 yili ChLning guruh bosqichida esa 4:0 hisobida mag'lub etgan. "Manchester Siti" bugun Kataloniyaliklardan ilk bora ochko olishga harakat qilib ko'radi.
"Borussiya" M – "Seltik". Bu jamoalar faqatgina bir marta uchrashishgan. ChLning 3-turida Shotland jamoasi nemislarni safarda 2:0 hisobida mag'lub etgan.
"D" guruhi
"Atletiko" – "Rostov". Ispan va rus jamoasi ham bir marta to'qnash kelishgan. O'tgan turda Madridliklar Rostov-na-Donudan kichik 1:0 hisobidagi g'alaba bilan qaytishgan. Davomi quyidagi havolada
— deya xabar beradi uff.uz nashri.