"Uchrashuv shiddatli hujumlar orqali boshlandi", - deya xabar bermoqda "Nasaf" klubi rasmiy sayti. "Har ikkala jamoa o'yin boshlanishidan bilan o'z omadlarini raqib darvozasi oldidan qidira boshlashdi. Jamoamizning bir qator hujumlarini shu kuni “Bunyodkor” yoshlari jamoasi darvozasini qo'riqlagan Akbar To'raev bartaraf etgan bo'lsa, ba'zi vaziyatlarda omad yuz o'girdi. Aziz G'aniev, Bobir Abduxoliqov va Dilshod Xushbakovning zarbalarini xavfli chiqdi, ammo to'p darvoza to'ridan o'rin olmadi.
Birinchi bo'limning 26-daqiqasida “Bunyodkor” yoshlarining qanotdan uyushtirgan kombinatsion hujumlarini Vyacheslav Purak samarali tarzda yakunladi va jamoasini hisobda oldinga olib chiqdi – 0:1.
O'tkazib yuborilgan goldan so'ng vakillarimiz oldinga intilishdi. Biroq yuzaga keltirilgan vaziyatlarni golga aylantirishda oqsadik. Birinchi bo'lim tugashiga to'qqiz daqiqa qolganida, aniqrog'i o'yinning 36-daqiqasida “Bunyodkor” yoshlarining o'ng qanotdan tashkil etgan hujumini Mirjamol Qosimov o'zining aniq zarbasi bilan darvozani ishg'ol etdi va oradagi farqni ikkitaga oshirdi – 0:2.
Birinchi bo'lim mehmonlarning hisobdagi ustunlikgi bilan yakunlandi.
Ikkinchi taymda jamoalar teng o'yin namoyish etishdi. Jamoamiz futbolchilari shu kuni yuzaga keltirilgan imkoniyatlardan unumli foydalana olishmadi. “Bunyodkor” yoshlari esa aksincha, vaziyatlarni golga aylantirishda muvaffaqiyatli o'ynashdi.
Uchrashuvning 71-daqiqasida zaxiradan maydonga tushirilgan Jahongir Xo'jamov mehmonlarning uchinchi goliga mualliflik qildi va hisobni yirik ko'rinishga olib keldi – 0:3.
Bellashuvning 81-daqiqasida Sardor Azimov “Bunyodkor“ning navbatdagi hujumini samarali yakunladi – 0:4.
O'yin tugashi oldidan esa Ergash Ismoilov hisobni yanada yiriklashtirdi va uchrashuvdagi yakuniy natijani o'rnatdi – 0:5. Shu tariqa jamoamiz yoshlari bu o'yinda raqiblariga imkoniyatni boy berishdi", - deyiladi xabarda.
Yoshlari ligasi, 27-tur.
“Nasaf” – “Bunyodkor” 0:5
Hakamlar: Nodir Olim To'ychiboev, Zufar Eliboev, Kamoliddin Ismoilov, Firdavs Norsafarov.
Nazoratchi: Rashid Aytekov.
Gollar: Vyacheslav Purak (26), Mirjamol Qosimov (36), Jahongir Xo'jamov (71), Sardor Azimov (81), Ergash Ismoilov (90)
“Nasaf“: 1.Alibek Turopov (Muzaffar Sharipov, 83), 7.Sirojiddin Qo'ziev (Islom Kenjaboev, 46), 9.Dilshod Xushbakov (Shahriyor Imomxo'jaev, 77), 10.Islom Rashidxonov (Sardor Sa'dullaev, 85), 14.Bobir Abduxoliqov, 16.Aziz G'aniev (Doston Berdiqulov, 65), 27.Akbar Murodov, 33.Botirxon To'raev (G'olib G'aybullaev, 60), 34.Sharof Muhiddinov, 35.Raximbek Javliev, 38.Doniyor Narzullaev (Navro'z Izzatillaev, 74).
“Bunyodkor“: 45.Akbar To'raev (35.Abdukarim Muhamedov, 73), 4.Islomjon Qobilov, 7. Nodir Mavlonov (10. Muhammadodil Qahramonov, 72), 14.Purak Vyacheslav (Bosit Raximov, 76), 18.Shahzod Abduraximov, 21.Farhod Namozov (Jahongir Xo'jamov, 64), 23.Georgiy Pogosov, 28.Xurshid G'iyosov, 33.Javohir Esonqulov (Sardor Azimov, 46), 44.Mirjamol Qosimov (Sardor Sobirxo'jaev, 46), 59.Javohir Qahramonov (Ergash Ismoilov, 59).
Ogohlantirishlar: Dilshod Xushbakov (9), Farhod Namozov (17), Javohir Esonqulov (30), Sharof Muhiddinov (54)
— deya xabar beradi uff.uz nashri.