Chempionatning 28-turida "Paxtakor" Toshkentda "Sho'rtan"ni qabul qiladi.
G'uzorliklar ikkinchi davrada ancha mazmunli o'yin ko'rsatib kelishmoqda. Jamoa mavsumni yomon boshlagan bo'lsa-da, hozirda o'rta pog'onalarga ko'tarilishni uddaladi. Uchrashuv oldidan har ikki jamoa diskvalifikatsiya bilan bog'liq yo'qotishga duch kelmagan.
Qarama-qarshilik
Oliy liga doirasida tomonlar 21 marta to'qnash kelganlar. Ularning 17tasida "Paxtakor" zafar quchgan. 2 bahsda durang qayd etilib, 2 safar G'uzor jamoasi g'alaba qozongan. Jamoamiz 55 gol urib, 15 bor darvozasidan to'p olib chiqqan. Toshkentdagi 10 o'yinning 9tasida "sherlar"ning qo'li baland kelgan. Bir bor bellashuv golsiz durang bilan tugagan.
O'yin rasmiylari
Uchrashuvni Sherzod Qosimov boshqarib boradi. U joriy mavsum jamoamiz ishtirokidagi 2 o'yinda ishladi. "Buxoro" bilan safarda durang o'ynagan bo'lsak, Bekobodda "Metallurg"ga imkoniyat boy berildi.
"PAXTAKOR" - "ShO'RTAN"
Hakamlar: Sherzod Qosimov (Toshkent), Timur Gaynulin (Toshkent), Farruh Yormuhammedov (Toshkent), Igor Garmashov (Toshkent).
Nazoratchi: Artyom Arutyunov (Toshkent).
PFL vakili: Sherzod Rajabov.
Yoshlar jamoalari bellashuvi 2 noyabr, chorshanba kuni 15:00da Qibraydagi stadionda start oladi. Asosiy jamoalar o'yini 3 noyabr, payshanba kuni 16:00da "Paxtakor" stadionida boshlanadi. Chiptalar stadion kassalaridan 5 va 15 ming so'mdan xarid qilishingiz mumkin.
— deya xabar beradi uff.uz nashri.