Madridning «Atletiko» klubi bosh murabbiyi Diego Simeone Chempionlar ligasi guruh bosqichida «Rostov»ga qarshi kechgan uchrashuvda 2:1 hisobida g'alabaga erishilgan bo'lsa-da, namoyish etilgan o'yindan norozilik bildirdi.
- «Rostov» - kuchli raqib ekanini bilardik. Men uchun murabbiy sifatida bu o'yin juda yomon o'tdi. Uni og'ir qabul qildim va bugun tunni juda yomon o'tkazaman. Bo'lib o'tgan o'yinni uzoq vaqt eslab yurishim turgan gap. Ammo «Atletiko» futbolchilari vaziyatin o'nglashga va g'alaba qozonishga muvaffaq bo'lishdi.
O'tkazilgan golda o'zimizning aybimiz bor. «Rostov» to'pga egalik qilib oldi va bunday vaqtda ular vertikal hujum uyushtirishni biladilar. Oqibatda biz Azmunning golini ko'rdik, - deydi Simeone.
— deya xabar beradi uff.uz nashri.