«Manchester Siti» futbolchilari EChL guruh bosqichida «Barselona»ga qarshi kechgan o'yin olidan raqib hujumchisi Lionel Messini haqorat qilishdi.
Messi «Etixad - Siti of Manchester» o'yingohi tonneli bo'ylab o'z kiyinish xonasi tomon ketayotganda mojaro kelib chiqqan. Argentinalik futbolchi o'zini haqorat qilganlardan birini «ahmoq», deb atagan.
Janjal kuchayib ketishining oldini Serxio Aguero olib qoldi. Eslatib o'tamiz, «Manchester Siti» hujumchisi Argentina terma jamoasida Messi bilan birga to'p suradi va u har ikki tomonni xotirjam qila olgan.
Eslatib o'tamiz, ushbu uchrashuvda «Barselona» Messining golidan so'ng hisobni ochgan edi, ammo «Manchester Siti» uchta javob goli kiritib, irodali g'alabaga erishgan.  
— deya xabar beradi uff.uz nashri.