"Barselona" bosh murabbiyi Luis Enrike "Eybar"ga qarshi kechgan bahsda (3:1) hakam tomonidan Xaver Maskerano maydondan chetlatilgani haqida fikr bildirdi.
"Qo'pollikdan ko'ra e'tiroz bildirganlik uchun keskinroq jazo qo'llanilmoqda? Bugun bunga ajoyib misol ko'rdik. Biz bunga ko'nikib ham qoldik. Maskeranoning aytishicha, u o'ziga o'zi nimadir degan va bu so'zlar hakamga aytilmagan edi. Biroq u maydondan chetlatildi va biz bundan o'zimiz uchun dars olishimiz lozim.
Agar Maskerano uzoq muddatga chetlatilsa (futbolchi 4 ta o'yinga chetlatilishi mumkin - tahririyat izohi) bu juda yomon yangilik bo'ladi. Ammo kimga nima deyilganini muhokama qilish ularning ishi", - deydi murabbiy.
Eslatib o'tamiz, Maskerano qanot hakamini haqorat qilgani uchun maydondan chetlatilgan edi.
— deya xabar beradi uff.uz nashri.