Londonning “Tottenxem” klubi bosh murabbiyi Maurisio Pochettino “Bayer”ga qarshi kechgan Chempionlar ligasi o'yinidan so'ng o'z fikrlarini bildirdi. “Agar statistikaga nazar tashlasak, “Bayer“ bilan yaratilgan vaziyatlar bo'yicha tenglik bo'ldi. Ammo o'z vaziyatlaringdan unumli foydalanmasdan g'alaba qozonish juda qiyin. Biz “Uembli“da “Monako“ va “Bayer“ bilan o'ynadik. Maydonni bizning mag'lubiyatlarda ayblash noto'g'ri. Men uchun “Uembli“ — fantastik arena va men jonim bilan bu erga kelaman. Muammo “Uembli“da emas, balki bizning o'zimizda. Yuqori saviyali futbol namoyish etmaganimizdan hafamiz. Endi qolgan ikki o'yinda g'alaba qozonishimiz zarur. Barchasi o'z qo'limizda”, — deydi Pochettino.
— deya xabar beradi uff.uz nashri.