«Barselona» darvozaboni Mark-Andre ter Shtegen sobiq jamoadoshi Klaudio Bravo jamoadan ketganidan mamnunligini bildirdi.
- Men har doim «Barselona»da qolishni istaganman va klub qaroridan mamnunman. Bravo bilan yana bir yil bir jamoada bo'lish ancha qiyin edi. Dastlabki ikki yilni juda og'ir o'tkazganman.
Shunday ekan, Bravoning «Manchester Siti»ga ketishi uning o'zi va men uchun juda yaxshi qaror bo'ldi. Biz ikkimiz ham maydonga chiqishni istar edik. Ammo men uchun Bravo bilan o'zaro munosabatlar har doim yaxshi va professional tarzda bo'lgan, - deydi ter Shtegen.
Eslatib o'tamiz, ispan matbuotida bir necha bor ter Shtegen jamoadagi o'rnidan norozi ekani aytilgan edi. O'tgan yili Ispaniya chempionatida asosan Bravo to'p surar edi. Shu sababli ter Shtegen bir necha bor «Barselona»dan ketishi haqida fikr bildirgan.
— deya xabar beradi uff.uz nashri.