Kecha “Lokomotiv”ning 2007 va 2008 yilda tug'ilgan yoshlari Rossiya Federatsiyasining poytaxti Moskva shaxri “Lokomotiv” (Moskva) klubi va Rossiya Sport federatsiyasi sport musobaqalarini o'tkazish bo'limi hamkorligida “Loko Cup 2016” musobaqasida o'z ishtiroklarini boshladilar.

Moskvada o'tkazilayotgan ushbu musobaqada 8ta klub 2 guruxga bo'lingan holda ishtirok etadi. Ular orasida Moskvaning kuchli “TsSKA” va “Lokomotiv” bilan bir qatorda O'zbekistondan Erkin Saidov boshchiligida futbol maktabi ham taklif etilgan. Jamoamiz Stanislav Proxorov (2008) va Sunnatilla Abdurasulov (2007) murabbiyligi ostida bu musobaqada ikki tarkib bilan ishtirok etmoqda.

Yosh “temiryo'lchilar” ikki tarkibi kecha “Lokomotiv” (Perovo) va “Lokomotiv” (Moskva) klubiga qarshi maydonga tushdilar. Dastlabki kuni o'tkazilgan uchrashuvlar musobaqaning eng yosh klubi “Lokomotiv” (Toshkent) o'zlaridan yoshlari katta jamoalarga qarshi maydonga tushdilar va kichik hisoblarda mag'lub bo'ldilar. Yoshlariga nisbatan katta bolalarga qarshi o'ynagan bolalarimiz boshqa jamoalar murabbiylari va muxlislarda iliq taasurot qoldirdilar.

Bugun Sunnat Abdurasulov va Stanislav Proxorov shogirdlari “TsSKA” (Moskva) klubiga qarshi maydonga tushadilar.
— deya xabar beradi uff.uz nashri.