«Manchester Siti» bosh murabbiyi Xosep Gvardiola «Barselona»ga qarshi kechgan bahsdan so'ng yordamchi murabbiy Mikel Arteta kataloniyaliklar hujumchisi Lionel Messi bilan janjal chiqarganini inkor etdi.
- Men Arteta bilan gaplashib oldim. Bunaqa bo'lishi mumkin emas, chunki u «Barselona» va Messining o'yiniga mudom qoyil qolib kelgan. Mikelni yaxshi bilaman, u men uchratgan insonlar ichida eng yaxshilaridan. Shunday ekan, u yana bir yaxshi inson - Lionel Messi bilan janjal chiqarishi mumkin emas. Mutlaqo.
Avvaliga janjalni Fernandino chiqargani aytildi, endi esa Arteta. Ko'ramiz, ertaga kimni gapirar ekansiz. Kim janjal chiqarganini topib ko'ringchi, - deydi Gvardiola.
— deya xabar beradi uff.uz nashri.