"Manchester Siti" futbolchisi Niklas Otamendi derbi bahsida "Manchester Yunayted"ni mag'lub etishning uddasidan chiqa olmagan bo'lsalarda (0:0) o'yinda ishtirok etganidan baxtli ekanini aytib o'tdi.
"Men juda baxtliman. Bu men ishtirok etishni doim orzu qilgan o'yinlardan biri edi.
Manchester derbisida maydonga tushganimdan baxtliman. Garchi biz g'alabaga erisha olmagan bo'lsakda, juda xursandligimni yashira olmayapman.
Biz himoyada yaxshi o'ynay olmadik, ammo umuman olganda o'yinning barcha jabhalarida uyushqoqlik bilan harakat qildik. Biz bu o'yinda yo'qolib qolmadik.
Biz musobaqa jadvalining yuqori qismida turibmiz va imkon qadar ushbu o'rnimizni saqlab qolishga harakat qilamiz", - deydi futbolchi.
Eslatib o'tamiz, Niklas Otamendi yozda 28,5 million funt evaziga "Valensiya"dan sotib olingan edi.
— deya xabar beradi uff.uz nashri.