Janubiy Koreya termasi bosh murabbiyi Uli Shtilike koreys OAVlari uchun matbuot anjumani o'tkazdi. Unda 11 noyabr kuni Kanadaga qarshi o'rtoqlik, 15 noyabr kuni O'zbekistonga qarshi JCh-2018 saralash o'yinlarida qatnashuvchi 25 nafar futbolchi ro'yxati ham e'lon qilindi.
Oldingi uchrashuvlardan farqli ravishda Uli Shtilike terma jamoada anchadan beri ko'rinish bermay qo'ygan hujumchi Li Jong Xyob («Ulsan»), himoyachi Park Ju Xo («Borussiya» D., Germaniya), hujumchi Xvang Xi Chan («Zaltsburg», Avstriya), himoyachi Yun Sok Yong («Brondbyu», Daniya) kabilarni tarkibga jalb etgan.
J.Koreya termasining navbatdagi o'yinlar uchun kengaytirilgan tarkibi:
Darvozabonlar: Kim Sung Gyu («Vissel Kobe», Yaponiya), Kim Jin Xyon («Serezo Osaka», Yaponiya), Kvon Sun Te («Chonbuk»).
Himoyachilar: Kim Ki Xi («Shanxay Shenxua», Xitoy), Jang Xyon Su («Gvangjou B», Xitoy), Xong Jong Xo («Jiangsu», Xitoy), Kvak Tae Xvi («Seul»), Choy Chol Sun, Kim Chang Su (ikkisi «Chonbuk»), Xong Chol («Suvon»), Park Ju Xo («Borussiya» D., Germaniya), Yun Sok Yong («Brondbyu», Daniya).
Yarim himoyachilar: Jong U Yong («Chongching Lifan», Xitoy), Kim Bo Kyong («Chonbuk»), Xan Kuk Yong («Al-Garafa», Qatar), Son Xyun Min («Tottenxem», Angliya), Li Je Song («Chonbuk»), Li Chong Yong («Kristal Pelas», Angliya), Ki Sun Yong («Suonsi», Angliya), Nam Tae Xi («Lahviya», Qatar), Ku Ja Chol («Augsburg», Germaniya), Ji Dong Von («Augsburg», Germaniya).
Hujumchilar: Xvang Xi Chan («Zaltsburg», Avstriya), Kim Shin Uk («Chonbuk»), Li Jong Xyob («Ulsan»).
- Dastlab 25 nafar futbolchini chaqirdim. Qanot himoyamiz va hujum chizig'imiz zaif. Shuning uchun ushbu pozitsiyalarga uch nafar yangi futbolchi jalb etildi. Kanada termasi bilan o'yinda sinovdan o'tolmagan ikki futbolchiga javob beriladi.
Park Ju Xo juda qiyin davrni boshdan kechirdi, asta-sekin jamoasida o'z o'rnini topmoqda. Yun Sok Yong Daniya kubogi doirasidagi o'yinda qatnashdi. U ayni payt yaxshi sport formasida.
O'zbekiston termasiga qarshi o'yin muhim, ammo hal qiluvchi emas. Oldinda yana 5ta uchrashuv turibdi. O'tgan 4ta bahsda o'zimizga o'xshamadik, biroq keyingi o'yinni foydamizga hal qilsak, hammasi yaxshi bo'ladi.
Menda «A» va «B» rejalari bor - Li Jong Xyob va Kim Shin Uk. Garchi «B» rejamdagi futbolchi Eronga qarshi bahsda sust harakat qilgan bo'lsada, Qatar bilan o'yinda faollik ko'rsatdi. Ko'p gol urish har doim ham g'alaba keltiravermaydi. Mening falsafam sal boshqacha. Ya'ni, to'pni ko'proq nazorat qilib, imkoniyatlar yaratish, - deya rejalarini oshkor etdi Shtilike.
J.Koreya termasi ustozining ta'kidlashicha, himoya chizig'ida muammolar bor va germaniyalik mutaxassis ularni bartaraf etish yo'lini topgan. Eslatib o'tamiz, saralashning so'nggi bosqichi doirasida koreyaliklar 4ta o'yin o'tkazishdi. O'z uylarida Xitoy va Qatarga qarshi bahslarda g'alaba qozonganlariga qaramay, 2tadan gol o'tkazib yuborishdi. Erondagi mag'lubiyat va Suriya jamoasi bilan bahsdagi durang tufayli J.Koreya termasi 7 ochko bilan guruhda 3-o'rinni egallab turibdi.
- O'yinni nazorat qilgan holda hujumkorlikka urg'u qaratganimizda, himoyamizda hech qanday muammolar ko'zga tashlanmagandi. Hujum uyushtirayotganda aniq uzatmalar berilmasa, mudofaa chizig'i murakkablik yuzaga keladi. To'pni o'zida yaxshi ushlab turadigan jamoa raqibiga bosim yuklaydi. Shu tariqa, xavfli vaziyatlar yaratish imkoniyati tug'iladi»,-dedi J.Koreya termasi bosh murabbiyi.
JCh-2018 saralashi hal qiluvchi bosqichida «A» guruhida peshqadamlik qilayotgan Eron termasi 11 noyabr kuni o'rtoqlik uchrashuvi o'tkazadi. Karlush Keyrush boshchiligidagi forslar 15 noyabr kuni Malayziyada Suriya bilan JCh-2018 saralashi doirasida maydonga tushishadi. Mazkur bahsdan 4 kun oldin Eron aynan Malayziyada Papua Yangi Gvineya termasiga qarshi o'rtoqlik uchrashuvi o'tkazadi. Okeaniya mintaqasi vakili bo'lgan bu jamoa FIFA reytingida ayni payt 159-pog'onada bormoqda. Eron esa 27-o'rindan joy olgan.
Eronliklar Suriya termasiga qarshi o'yinga tayyorgarlikni boshlab yuborishdi. Bosh murabbiy Tehrondagi yig'inga 18 nafar mahalliy klublarda o'ynayotgan futbolchilarni chaqirdi. Yaqin kunlarda ular safiga legionerlar ham qo'shiladilar.
Tehrondagi yig'inga chaqirilgan futbolchilar:
Darvozabonlar: Alirizo Beyranvand («Piruzi»), Alirizo Xaqiqi (klubsiz), Muhammadrizo Akbari («Traktorsozi»), Rashid Mazaheri («Zob-Ohan»).
Himoyachilar: Vuriya G'ofuri («Istiqlol»), Ramin Rizoiyan («Piruzi»), Said Og'ayi («Traktorsozi»), Jalol Husayni («Piruzi»), Izzatulloh Purg'az («Istiqlol Xuziston»), Muhammad Ansori («Piruzi»).
Yarim himoyachilar: Ehson Hojisafi («Sepaxon»), Andranik Teymurian («Mashinasozi»), Umid Ibrohimi («Istiqlol»), Kamol Kamyabinia («Piruzi»), Surush Rafei («Traktorsozi»).
Hujumchilar: Mehdi Torabi («Saypa»), Mehdi Taremi («Piruzi»), Vohid Amiri («Piruzi»).
O'z navbatida, Xitoy termasining yangi ustozi italiyalik Marchello Lippi ham galdagi o'yinda qatnashadigan futbolchilar nomini e'lon qildi. Ayni payt guruhda 1 ochko bilan oxirgi pog'onada borayotgan Chin yurti vakillari 15 noyabr kuni o'z uylarida Qatar jamoasiga qarshi o'ynashadi.
Xitoy termasining navbatdagi o'yin uchun tarkibi:
Darvozabonlar: Yang Ji («Pekin Guoan»), Yan Junling («Shanxay SIPG»), Vang Dalei («Shandong Luneng»).
Himoyachilar: Feng Ksiaoting («Guanjou Evergrand»), Jang Linpeng («Guanjou Evergrand»), Jang Cheng Dong («Pekin Guoan»), Li Ksyuepeng («Guanjou Evergrand»), Jao Mingjian («Shandon Luneng»), Jiang Jipeng («Guanjou RF»), Li Ang («Jiangsu Suning»), Fu Xuan («Shanxay SIPG»).
Yarim himoyachilar: Jeng Ji («Guanjou Evergrand»), Yu Xai («Shanxay SIPG»), Xao Junmin («Shandon Luneng»), Vu Shi («Jiangsu Suning»), Xuang Boven («Guanjou Evergrand»), Chay Xuikang («Shanxay SIPG»), Jang Xije («Pekin Guoan»), Sun Ke («Tianjin Kuanjian»), Chao Yunding («Shanxay Shenxua»).
Hujumchilar: Vu Lei («Shanxay SIPG»), Gao Lin («Guanjou Evergrand»), Jang Yuning («Vitess», Gollandiya), Yu Dabao («Pekin Guoan»). Manba: "InterFUTBOL" gazetasi
— deya xabar beradi uff.uz nashri.