«Kuinz Park Reynjers» rasmiy saytida jamoa bosh murabbiyi Jimmi Floyd Xasselbaynk iste'foga chiqarilgani ma'lum qilindi.
Eslatib o'tamiz, «Chelsi»dagi o'yinlari bilan tanilgan sobiq hujumchi 2015 yilning dekabrida «Kuinz Park Reynjers» bosh murabbiy etib tayinlangan edi. Jamoa uning boshqaruvi ostida 47 uchrashuvda maydonga tushib, 14 g'alaba, 18 durang va 15 mag'lubiyat qayd etgan. «Kuinz Park Reynjers» Chempionshipda o'tkazilgan 16-tur o'yinlaridan so'ng 17-o'rinda bormoqda.
Eslatib o'tamiz, sentyabr oyida Xasselbaynk futbolchilarning transferlariga 55 ming funt evaziga yordam berishga rozi bo'lgani aytilgan edi. Shu maqsadda «Kuinz Park Reynjers» ichki surishtiruv ishlarini o'tkazishi ma'lum qilingandi.
— deya xabar beradi uff.uz nashri.