«Arsenal» bosh murabbiyi Arsen Venger «Tottenxem»ga qarshi kechadigan o'yin oldidan fikrlarini bildirib o'tdi. Angliya chempionati 10-turidan so'ng «Arsenal» «Tottenxem»dan 3 ochko ko'proq jamg'arib, musobaqa jadvalida 3-o'rinni egallab turibdi.
- «Tottenxem»dek klub qachondir «Arsenal»dan yuqori bo'ladi, deb o'ylamayman. Mening vazifam «Arsenal»ni imkon qadar kuchli va muvaffaqiyatli jamoa qilish.
Bizda ulkan muxlislar armiyasi bor -  balki Londonda eng yirigidir. Va biz o'z ishimizni bajarar ekanmiz, «Arsenal» har doim «Tottenxem»dan kuchliroq bo'lib qoladi.
Men qaysidir o'rinni va'da bera olmayman. Biz shunchaki o'z ishimizni bajarishimiz lozim, mavsum oxirida hammasi maydonda hal bo'ladi. Klubning mavqei yuqori saviyadagi barqarorlikdan iborat. Shunday ekan, barchasi o'zimizning qo'limizda, - deydi Venger.     
— deya xabar beradi uff.uz nashri.