«Sanderlend» bosh murabbiyi Devid Moyes «Manchester Yunayted» ustozi Joze Mourino duch kelayotgan muammolar to'g'risida fikr bildirib o'tdi. ««MYu»da muammolar? Bu shuni anglatadiki, hamma gap menda bo'lmagan. Bu klubni kim boshqarmasin, unda etarlicha qiyinchiliklar bo'ladi. Chunki, u zamonamiz eng yaxshi murabbiyining izini davom ettirishi kerak», – deya Moyes so'zlarini keltirmoqda Goal nashri. Eslatib o'tamiz, «Manchester Yunayted» klubi Angliya chempionatining 10-turidan so'ng, turnir jadvalining 8-o'rinida bormoqda. Moyes «MYu»ni 2013/14 mavsumida boshqargan va qoniqarsiz natijalar uchun iste'foga chiqarilgan edi.
— deya xabar beradi uff.uz nashri.