Italiya chempionati 12-turidan o'rin olgan “Kevo” va “Yuventus” o'rtasidagi bellashuv o'z poyoniga etdi. Unda 1:2 hisobi qayd etilib, maydon egalari “Kevo”ning mag'lubiyati bilan yakunlandi. Birinchi bo'limda hisob ochilmadi. Ikkinchi bo'limning 53-daqiqasida Mario Manjukich hisobni ochdi. 66-daqiqaga kelib Pellisse penaltidan unumli foydalanib, oradagi muvozanatni tikladi. 75-daqiqada Miralem Pyanich turinliklarni yana oldinga olib chiqdi. Shundan so'ng hisob o'zgarmadi va “Yuventus” muhim 3 ochkoga ega bo'ldi. Mazkur g'alabadan keyin “keksa sinora” ochkolari sonini 30 taga etkazib, peshqadamlikni mustahkamladi. Italiya chempionati, 12-tur Kevo – Yuventus 1:2
Gollar: 0:1 – 53 Manjukich, 1:1 – 66, penalti Pellisse, 1:2 – 75 Pyanich.
Kevo – Sorrentino, Daynelli, Gobbi, Kachchatore, Spolli, Radovanovich, Isko (Pellisse, 61), Birsa (de Guzman, 76), Kastro, Xetemay, Floro Flores.
Yuventus – Buffon, Benatiya, Aleks Sandro, Lixtshtayner, Bardzali (Bonuchchi, 5), Sturaro, Ernanes, Pyanich, Kuadrado, Iguain (Evra, 80), Manjukich.
Ogohlantirishlar: Daynelli (30), Gobbi (34), Aleks Sandro (40), Radovanovich (45), Kuadrado (48), Lixtshtayner (65), Sturaro (80), de Guzman (82), Kachchatore (90).
— deya xabar beradi uff.uz nashri.