Bugun Qarshi shahridagi “Nasaf” futbol maktabi maydonlarida 1998-1999 va 2000-2001 yillarda tug'ilgan, oliy liga va quyi liga klublari qoshidagi futbol maktablari tarbiyalanuvchilari o'rtasida Respublika Birinchiligining final bosqichi start oldi. Ushbu Birinchilik O'zbekiston Professional Futbol Ligasi tomonidan tashkil etilgan. Bugun 2000-2001 yillarda tug'ilgan yosh futbolchilar o'rtasida uchrashuvlarga start berildi. Bu yoshlardagi futbolchilardan tashkil topgan 8ta jamoa ikki guruhga bo'lingan holda bahs olib borishadi. Birinchilikda ishtirok etayotgan jamoalar va musobaqa taqvimi haqida keyingi xabarlarimizda batafsil ma'lumot beramiz. Musobaqa 17 noyabrgacha davom etadi. 
— deya xabar beradi uff.uz nashri.