«Real M» jamoasining Aleksis Sanchesga qiziqishi «Arsenal» muxlislarini havotirga solgan bo'lishi aniq. Chunki London jamoasi etakchi futbolchilarini ko'p bora tarkibda saqlab qolishni uddasidan chiqa olmagan. Bunga klubning ko'p yillardan beri nufuzli turnirlarda g'olib chiqa olmayotganligi sabab bo'lmoqda. Quyida biz so'ngi o'n yilda Arsen Venger jamoasini tark etib, boshqa jamoalarda yutuqlarga erishgan TOP-10 o'yinchilar ro'yxatini tuzib chiqdik.
10. Gael Klishi
Eshli Kouldan keyingi «Arsenal»ning chap qanot himoyasida yorqin o'yin ko'rsatgan o'yinchi  2011 yil «Manchester Siti» bilan shartnoma imzoladi. Frantsuz futbolchisi «shaharliklar» tarkibida 2011/2012, 2013/2014 yilgi mavsumlarda Premer-liga chempionligini, 2012 yilda Angliya superkubogini va 2014 yilda Liga kubogini qo'lga kiritdi.
9. Samir Nasri
«Arsenal»ni tark etgan yana bir frantsuz futbolchisi hamyurti kabi 2011 yilda Londondan Manchesterga yo'l oldi. Yangi jamoasi safida yarim himoyachi 2011/2012,2013/2014 yilgi mavsumlarda Premer-ligada, 2012 yilda Angliya superkubogida va 2014 yilda Liga kubogida zafar quchdi.
8. Emmanuel Adebayor
«Arsenal»da uch mavsum to'p surgan togolik hujumchi 2009 yil «kanonirlar» bilan xayrlashib, «Manchester Siti»ga o'tdi. Dastlabki mavsumda «shaharliklar»ning asosiy tarkibida maydonga tushgan futbolchi, keyingi mavsumda zaxiradan o'rin oldi va qishki transfer oynasida ijara asosida Madridning «Real» jamoasiga yo'l oldi. Ispaniyada ham ishlari yurishmagan hujumchining navbatdagi jamoasi «Tottenxem» bo'ldi.
Emmanuel Adebayor «Arsenal»ni etib, bir qancha klublarda to'p surganiga qaramay, faqatgina «Real» bilan 2011 yilda Ispaniya kubogini boshi uzra ko'tardi xolos.
Davomi Sports.Uz blogida.
— deya xabar beradi uff.uz nashri.