"Roma" bosh direktori Mauro Baldissoni tomonidan xabar qilinishicha, jamoa sardori Franchesko Totti futbolchilik faoliyatini yakunlagach ham klubda qoladi. 39 yoshli hujumchi butun faoliyati davomida "Roma" sharafini himoya qilgan va butsasini mixga ilgach klub boshqaruvidagi lavozimlardan birini egallaydi.
"Totti jamoamizning bir qismi bo'lib qoladi. Ayni vaqtda u shunday holatdaki, har bir o'yinda ishtirok eta olmasligi mumkin. Shunga qaramay u har doim e'tiborimiz markazida bo'lib qoladi.
Biz u bilan kelishib qo'ydik va Totti faoliyatini yakunlagach klub boshqaruvidagi lavozimlardan birida ish boshlaydi", - deydi mutasaddi.
— deya xabar beradi uff.uz nashri.