Oldinroq xabar berganimizdek, “Lokomotiv”ning 4 nafar a'zosi milliy terma jamoamiz yig'iniga chaqirilgandi. Mundial-2018 sari odimlayotgan O'zbekiston milliy terma jamoasi 15 noyabr kuni safarda Janubiy Koreya termasiga qarshi uchrashuv o'tkazadi. Unga qadar esa 10 noyabrda poytaxtimizda Iordaniya bilan ham o'rtoqlik uchrashuvida maydonga tushish ko'zda tutilgan. Bosh jamoamiz ayni paytda mazkur ikki o'yinga tayyorgarlikni davom ettirmoqda. “Lokomotiv” jamoasi a'zolari ham terma jamoa safida mashg'ulotlarda ishtirok etishmoqda. Tajribali posbon Ignatiy Nesterov, himoyachi Islom To'xtaxo'jaev hamda yarim himoyachilar Server Jeparov va Marat Bikmaevlar oldindagi juda mas'uliyatli o'yinga bosh jamoamiz bilan birgalikda hozirlik olib borishmoqda.
— deya xabar beradi uff.uz nashri.