“Manchester Yunayted” jamoasi bosh murabbiyi Joze Mourino “Suonsi”ga qarshi (3:1) APL 11-turidan so'ng o'yin haqida o'z fikrlarini bildirib o'tdi. “Uchrashuv davomida to'pni yaxshi nazorat qildik. Ko'plab vaziyatlar yaratib, ulardan unumli foydalandik. Himoyachilarni alohida ta'kidlab o'tishim kerak. Eshli Yang o'ng qanot himoyachisi emas, Darmian esa chap qanot himoyachisi emas. Shunga qaramay, himoyada yaxshi o'ynadik. Fil Jons ham o'zini ko'rsata oldi. Bizga g'alaba muhim edi. Chunki avvalgi turda o'z maydonimizda “Byornli” bilan ochko ulashdik. Terma jamoalar o'yinlari oldidan yaxshi natija bo'ldi”, – dedi Mourino. 
— deya xabar beradi uff.uz nashri.