3-5 noyabr kunlari Oliy Liga 28-tur o'yinlari o'tkazildi. Mazkur turda kshp narsalar oydinlashib qoldi. Ya'ni, chempionlik uchun kurashayotgan “Bunyodkor” Andijonda durang o'ynab qimmatli ochkolarni boy berdi. “Lokomotiv” esa safarda “Qizilqum”ni 1:0 hisobida taslim etdi va “qaldirg'ochlar” bilan oradagi farqni 6 ochko bo'lishini ta'minladi. Endi keyingi turda “temiryo'lchilar” bir ochko olishsa ko'p yillik orzulari ushaladi.
Muxlislar tashrifi borasida “Loko” boshqalardan ustun emas. Ularning uy uchrashuvlarini unchalik ham ko'p tomoshabin stadiondan kuzatib bormaydi. Ammo safardagi o'yinlari borasida ijobiy fikrni aytishimiz mumkin. Biroq Andrey Miklyaev jamoasining o'yinini tomosha qilish uchun kelgan muxlislar soni bo'yicha to'rtinchi o'rinni egalladi.
Bu turda “Buxoro” – “So'g'diyona” bellashuviga eng ko'p tomoshabin tashrif buyurdi. Ushbu bahsni 14205 kishi bevosita stadiondan kuzatib bordi.
Eng kam ishqiboz doimgidek Toshkentdagi o'yinga keldi. Bu gal “Paxtakor” – “Sho'rtan” uchrashuviga 204 tomoshabin keldi.
Turning markaziy bahsi “Qizilqum” – “Lokomotiv” bellashuviga 3768 ishqiboz yig'ildi.
28-tur o'yinlariga jami 32132 ishqiboz stadionga tashrif buyurdi. Bir o'yinga o'rtacha 4016,5ni tashkil qiladi.
«Buxoro» (Buxoro) – «So'g'diyona» (Jizzax) – 3:0. 14205 Tomoshabin.
«Andijon» (Andijon) – «Bunyodkor» (Toshkent) – 0:0. 4199 Tomoshabin.
«Qo'qon -1912» (Qo'qon) – «Mash'al» (Muborak) – 1:1. 3801 Tomoshabin.
«Qizilqum» (Navoiy) – «Lokomotiv» (Toshkent) – 0:1. 3768 Tomoshabin.
«Nasaf» (Qarshi) – «Neftchi» (Farg'ona) – 3:1. 3065 Tomoshabin.
«Metallurg» (Bekobod) – «Navbaxor» (Namangan) – 5:1. 2323 Tomoshabin.
«Obod» (Toshkent) – «Olmaliq» (Olmaliq) – 2:0. 567 Tomoshabin.
«Paxtakor» (Toshkent) – «Sho'rtan» (G'uzor) – 5:2. 204 tomoshabin.
— deya xabar beradi uff.uz nashri.