O'zbekiston milliy terma jamoasi hujumkor yarim himoyachisi Eldor Shomurodov Jahon chempionati saralashi uchinchi bosqichi dorirasidagi Janubiy Koreyaga qarshi o'yin oldidan o'z fikrlarini bildirib o'tdi.
“Janubiy Koreya – Osiyoning eng kuchli terma jamoalaridan biri hisoblanadi. Oldimizda juda qiyin bahs bizni kutib turibdi. Ammo yaxshi natija bilan safardagi o'yindan qaytib kelishga harakat qilamiz”.
“Ularga qarshi jamoaviy va hujumkor o'yin ko'rsatib, g'olib bo'lishga urinamiz”.
“Janubiy Koreyaning hujum chizig'i juda kuchli. Lekin himoyada ularda xatolari etarli. Biz aynan o'sha xatolardan foydalanishga harakat qilamiz”, - deydi Shomurodov.
Ta'kidlash kerakki, O'zbekiston milliy terma jamoasi 4 noyabr kuni Toshkenta yig'inga kirdi. Mashg'ulotlarga terma jamoaning xorij ligalarida harakat qilayotgan futbolchilari kelib qo'shilishda davom etmoqda. 8 noyabrdan boshlab, yig'inga taklif etilgan 24 futbolchining barchasi jamlanadi va milliy terma jamoa to'liq tarkib bilan mashg'ulotlar olib boradi.
Ushbu yig'in doirasida O'zbekiston milliy terma jamoasi bitta yig'in o'tkazadi. Iordaniyaga qarshi kechadigan uchrashuv 10 noyabr kuni, 17:00da boshlanadi. O'yin “Paxtakor” markaziy stadionida bo'lib o'tadi.
Jahon chempionati saralashining 3-bosqich, 5-turi doirasidagi Janubiy Koreya – O'zbekiston uchrashuvi 15 noyabr kuni, Seulda bo'lib o'tadi.
— deya xabar beradi uff.uz nashri.