“Yuventus” jamoasi himoyachisi Andrea Bartsali “Kevo”ga qarshi (2:1) Italiya chempionati 12-turida elkasini jarohatlab olganidan so'ng tibbiy ko'rikdan o'tdi va uning ikki oy maydonga tusha olmasligi ma'lum bo'ldi. Tajribali himoyachi o'yinning 5-daqiqasidayoq jarohat olgandi. Uning elkasi chiqib ketdi. Futbolchi bir oy maxsus tasmada yurishga majbur bo'ladi. Andrea Bartsali Italiya termasining Lixtenshteynga qarshi (12 noyabr) JCh–2018 saralashi hamda Germaniya termasiga qarshi (15 noyabr) o'rtoqlik o'yinlarini o'tkazib yuboradi. 
— deya xabar beradi uff.uz nashri.