Dortmundning «Borussiya» klubi himoyachisi Rafael Gerreyru «Barselona» taklifini nima sababdan rad etganini tushuntirdi.
- «Barselona»ga yo'q deyish juda qiyin bo'ldi, ammo «Borussiya»ning taklifi menga ko'proq ma'qul keldi.
Bu yil men muntazam ravishda o'ynashim lozim, o'shanda kuchaya olaman. Mening omadim kelmoqda va Germaniyada ishlarim yaxshi kechyapti.
Bir yil oldin «PSJ»dan taklif tushgan edi, ammo men «Loryan»da qolishni ma'qul ko'rdim. Men ko'proq o'ynashni istadim va bu qarorim hal qiluvchi ahamiyat kasb etdi. Shu bois Portugaliya terma jamoasi tarkibida Evropa chempionati g'olibi bo'la oldim.
Men «PSJ» va «Barselona»dan taklif uchun minnatdorman, - deydi Gerreyru.
Eslatib o'tamiz, 22 yoshli futbolchi yozda «Loryan»dan 12 million evro evaziga «Borussiya»ga o'tgan edi. Gerreyru Germaniya chempionatining 8 uchrashuvida ikkita gol urdi va uchta golli uzatmani amalga oshirdi.             
— deya xabar beradi uff.uz nashri.